Mhandisi Joseph Nyamhanga, Katibu Mkuu OR-TAMISEMI, Asisitiza Bidii, Weledi, na Uadilifu katika Kuhudumia Wanafunzi

Posted on: March 26th, 2019

Mhandisi Joseph Nyamhanga, Katibu Mkuu OR-TAMISEMI, amewasisitiza watumishi wa Chuo cha Serikali za Mitaa  kufanya kazi kwa bidii, weledi na uadilifu katika kuhudumia wanafunzi. "Fanyeni kazi kwa bidii, weledi na uadilifu mnapowasimamia vijana." alihimiza.

Katibu mkuu aliyanena hayo alipokutana na menejimenti ya Chuo cha Serikali za Mitaa, chuoni Hombolo. Pia alipata fursa ya kutembelea kumbi za mihadhara, maktaba na maabara ya kompyuta kujionea mazingira bora ya utoaji elimu kwa vijana waliodahiliwa katika kozi mbalimbali chuoni.